محمود يبحث عن أسرته بعد 26 عاماً.. ودعاء فاروق تطالب بمساعدته

المصرى اليوم 0 تعليق ارسل طباعة تبليغ حذف

اشترك لتصلك أهم الأخبار

طالبت الإعلامية دعاء فاروق متابعيها، عبر حسابها الخاص على فيس بوك، بمساعدة شاب في العثور على أسرته بعد عدد من السنوات.

نشرت فاروق، عبر حسابها صور الشاب، وجاءت رسالتها: «يا رب يلاقي أهله يارب، ساعدوه من فضلكم، ممكن يا جماعة السوشيال ميديا يبقي ليها دور إيجابي».

وجاء نص رسالة الشاب: «يارب تهتموا بقصتى، أنا اسمى محمود عبد الله على، عمرى الحالى 24 سنة، كبرت لاقيت نفسى في دار رعاية أيتام أحباب الله وكل إللى أعرفه عن نفسى إنه تم العثور عليا وأنا لسه رضيع عمر أسبوع أو يمكن أكبر حاجة بسيطة، تقريبا ًبتاريخ 4/1995 وتم تحويلى للدار عن طريق قسم الأزبكية، وده إلى انا فهمته لأن شهاده ميلادى تابعة لنفس القسم حولونى لدار في المعادى، ودى إللى قضيت كل عمرى فيها من وقتها لغاية دلوقتى».

وتابع الشاب قصته والتي نقلتها دعاء فاروق: «لما كبرت ولاقيت إن في كتير من الشباب إللى كانوا معايا قدروا يلاقوا أهلهم وعيشت معاهم قصص كتير مكنتش أتوقعها ولا أتخيلها وقتها إترجيت من ربنا إنى أنا كمان ألاقى أهلى، ما هو أكيد أنا كمان ليا أهل، الله أعلم ضعت منهم إزاى أو يمكن إتخطفت منهم، ويمكن يكونوا عاوزينى زى ما أنا عاوزهم يكونوا سند ليا في الدنيا، يهتموا بيا وأهتم بهم ومكملش بقية حياتى كده معرفش أنا أصلا مين».

facebook
  • الوضع في مصر

  • اصابات

    165,951

  • تعافي

    129,636

  • وفيات

    9,316

إخترنا لك

أخبار ذات صلة

0 تعليق